ФЭНДОМ


Allah300

Аллаһ сүзе шәмаилдә

Аллаһ – (Аллаһ Тәгалә, гар. الله), исламда югары илаһи зат. Ул дөньяны яратучы, бар нәрсәгә кодрәтле һәм Кыямәт көне хөкемдары булган бердән-бер илаһи көч. Кешеләрнең акылы Аллаһның затын, табигатен аңларлык дәрәҗәдә түгел.

Коръәндә, әл-Ихлас сүрәсендә Аның турында болай әйтелә:

"Күл һүаллаһү әхәде. Аллааһүс – самәде. Ләм йәлиде вә ләм йүүләде. Вә ләм йәкүлләһүү күфүән әхәде".
Аңлатмасы:
Ул – Аллаһ – бер. Аллаһ мәңге. Ул тудырмады һәм тудырылмады. Һәм бер кем дә Аңа тиң булмады

Аллаһның сыйфатлары Үзгәртү

Сыйфаты Затиййә Үзгәртү

  1. Вүҗүд – Яшәеш: Аллаһ бар. Аның булмавы мөмкин түгел.
  2. Кидәм – Башлангычсыз яшәеш: Мәңгелек Аллаһның башлангычы, әүвәле юк.
  3. Бәка – Ахырсыз яшәеш: Аллаһ мәңгелек, аның ахыры юк.
  4. Вәхданийә – Берлек: Аллаһ бер, Аның шәрикләре (иптәшләре) юк һәм була алмый, Аның сыйфатлары аңа гына хас.
  5. Мүхаләфәт лил-хәвәдис – Аллаһ бер һәм башка бер нәрсәгә дә охшамаган, вә бер нәрсә дә аңа охшамаган.
  6. Кыям би-нәфсиһ – Аллаһның бер нәрсәгә дә, беркемгә дә ихтыяҗы-хаҗәте юк.

Сыйфаты Сүбүтиййә Үзгәртү

  1. Хәят - Аллаһ – тере, әмма тереклеге бер мәхлукатныкына да охшамас. Ул тереклекне бүләк итүче.
  2. Гыйлем - Аллаһ – белүче, белеменең чиге юк. Кирәк, яшерен эшләнгән эш булсын, кирәк, күрсәтеп эшләнгән эш булсын, әллә кайчан эшләнгән эш булсын, ерак киләчәктә эшләнәчәк эш булсын – барын да белүче.
  3. Сәмигъ - Аллаһ – бар нәрсәне ишетүче. Ишетүе башка мәхлукатныкы кебек түгел, колакка мохтаҗ булмас.
  4. Бәсар - Аллаһ – бар нәрсәне күрүче. Күрүе дә башка мәхлукатныкына охшамас, күзгә мохтаҗ булмас.
  5. Каләм - Аллаһ үзе теләгәнне сөйләшер һәм сөйләшүе дә башка мәхлукатныкына охшамас, телгә, тавышка, авазларга мохтаҗ булмас.
  6. Кодрәт - Аллаһ чиксез көч вә куәткә ия, теләгәнен эшләр.
  7. Ирадә - Ихтыяр: Аллаһ һәрнәрсәгә ихтыярлы.
  8. Тәквин - Аллаһ – бердәнбер яралтучы, һәр нәрсәне юктан бар итүче.

Моны да карагыз Үзгәртү